Barbershop

Share ko lang kwento ko. Sana pagtyagaan nyo.

Isa sa mga bagay na mahirap hanapan ng kapantay sa buhay ko sa Pilipinas ay ang barberya at parlors sa atin. Katulad na rin siguro ito ng jeepney natin. Iba kasi ang "comfort level" ko kapag sa isang kakilalang barbero ako magpapagupit (na may libreng tip sa tupada), o kaya ay sa malditang bakla(may tsismis sa syota ng bayan), o kahit isang manang na matapos kang gupitan ay yayayain ka ng pedicure o kaya manicure. Minsan pwede pang utang. Minsan may offer panghulugang natsha or avon. Mapa-mall man o sa kanto ka lang magpagupit..numero uno sa serbisyo! with a smile pa!

Yung pangalawang buwan ko dito sa SG ay nagpasya akong magpagupit na. Una kong sinubukaan sa Malay barber.

AKO: Its fine, but i think your cut here is not even, i can still see longger hair popping-out. (ok naman gupit mo kaso lang may mga mahahaba pa na di nagupit, ayan o! nakatikwas)
Rassim: You want short-cut ah. you tell me cut this side short, Now you want cut more. not decided ah. better tell early ah.
AKO: sige na nga mashe na lang.

Di ako natuwa sa quality ng work niya, bukod sa aga-aga(anyhow-anyhow) na! nagmamadali pa at parang di dapat ko kinukwestiyon ang talent nya.Aya-papaya!

After a month, may nakita akong barbershop ng isang Mandarin Speaking.Todo ganda ng interior, may mga may kung anu-anong poster at botelya sa loob, may babae rin, mukhang mga skilled.Pasok ako:

Abeng: Very short,very short!
AKO: Tuy! but not too short just this thick! (sabay senyas ng one-half inch sa daliri ko.

Ke todo smile pa sya at nagmamadali, may masahe pa. Ang bilis! walaeh! nagmukha akong tennis ball! pabilog na flaptop ang labas! Umuwi na lang ako kaysa maubos ang oras sa pagpilit na ipaintindi sa kanya ang mga ingles ko.Nag-ala Jimmy Santos english na nga ako di pa rin naintindihan.Inintindi ko na lang kasi medyo may edad na amrahil ay di nga ay hirap sa English.


May isang buwan ulit, di na ako nagpagupit. Inabot ako ng 3 buwan bago ko nadiskubre na may baklang Pinoy pala na naggugupit sa Lucky Plaza. Yung mga naka-karatula sa mga labas ng parlor ay front lang pala. Ituturo ka rin pala ng isang tambay na pinay doon sa mga Instik. Tagalog lang yung karatula pero hindi Pilipino ang magkukulot sa iyo. Ayus naman maggupit yung baklang barbero..kasi nakuha niya ang gusto ko. Uso pa daw yung style. Yun nga lang napabili ako ng gel dahil sa hinayupak na style na yun. Mahal na serbisyo nya,mahal pa ang gel dito.

Nais ko ulit i-try sa Malay. Mura na.malapit pa sa flat namin.
YES! Barber Shop. Ang sabi sa karatula.Pero ang sabi ng isip ko "No! not again!". Ayoko naman manghusga agad. Pasok ako:

Paul Abdul: Skin head? This one (turo sa army cut na larawan)or this one(turo sa kalbong makintab)? This one can, this wan can oso (sabay turo sa Flattop).

AKO: Just skin head, but not too short! maybe this short lah!(sabay senyas ng one-fourth inch)

Paul Abdul: No!, skinhead is this( sabay turo sa larawan ng kalbong makintab ang ulo). Its either zero or this.(Yan ang eksaktong namutawi sa bibig niya)

Pinili ko na lang yung skinhead army style. At umuwi ako upang ipagpatuloy ang pag-iisip kung ano ang ibig niyang sabihin. Wala akong question sa quality ng work nya. Ok naman yung service nya kasi binigyan ako ng options. Kung tutuusin naintindihan ko yung sinabi nya pero ang di ko maintindihan ay kung alam nya ba kung ano ang nasabi niya?

1. pinapipili nya ako kung anong klaseng skinhead:army skinhead, makintab na kalbo, or napakanipis na flattop. Kung sana alam ko sa English yung "semi-kalbo" Robin padilla style.

2.sinasabi nya sa akin na isang haba lang ang kayang itabas ng gunting nya. Para siyang computer na tanging 0 at 1 lang ang naintindihan. "Its eithier zero or this". walang medyo mahaba,walang huwag masyado maikli. Either may buhok syang ititira o..wala.

Walaueh!